Haustlitaferð

Heilar og sælar konur.

Hér kemur færsla en það hefur margt á daga okkar drifið undanfarnar vikur og mánuði.

Það er helst að frétta að farið var í dagsferð austur í Mývatnssveit sl. laugardag en ætlunin var að njóta haustlitanna og fegurðar þessa svæðis og það tókst svo sannarlega. Síðast og ekki síst að vera í samvistum við aðrar konur og gera okkur glaðan dag. Veðrið lék við okkur og náttúran skartaði sínu fegursta en 25 konur voru þátttakendur í feðinni. Fyrst var stoppað hjá Laufeyju Skúladóttur á Stórutjörnum og galleríið skoðað hjá henni og þeim sem að því standa. Því næst fórum við að Húsmæðraskólanum að Laugum og þar var einnig vel tekið á móti okkur og saga skólans sögð í stórum dráttum og gengið um húsið, ákaflega fallegt hús og vel um minningu skólans hugsað. Því næst var borðaður hádegisverður á Dalakofanum. Svo var rennt í Mývatnssveitina og stoppað í Dimmuborgum og gengið um þær, mislangt eins og hverjum hentaði. Næst var stoppað í Dyngjunni sem er handverkshús þessa svæðis og talsvert verslað og skoðað. Að lokum var ekið í kringum vatnið og endað á Stöng í Mývatnssveit og borðaður þessi ljúffengi silungur og einnig var afskaplega vel tekið á móti okkur eins og á öllum hinum stöðunum. Loks var haldið heim um kl. 20:00 og konur almennt mjög hamingjusamar með daginn 🙂

Þá er að huga að einhvernum einum atburði eða ferð áður en árið er á enda og væri alveg frábært ef þið senduð okkur ykkar hugmyndir að ferð og þá hér innanlands.

Njótið góða veðursins og blíðunnar.

Dagsferðir

Góðan dag

Dagsferð til Skagafjarðar: Farið frá Umferðamiðstöðinni Hafnarstræti kl 10:00, greitt er á staðnum. Matur er á Hótel Sigló kl 18:00

Dagsferð Laugar/Mývatnssveit: Farið frá Umferðamiðstöðinni Hafnarstræti kl 10:00, greitt er á staðnum.

Fullbókað er í báðar þessar ferðir.

Vona að allar eigi góða daga og njóti ferðanna.

Útsaumur og Leður

Hér er stuttur texti um námskeiðið í Danmörku í haust.

Útsaumur og leður. Á fimmtudagskvöldinu ætla Helga Jóna og Inge Marie kennarar í handavinnuskólanum í Skals „hita“ upp fyrir komandi daga, kynnast okkur og gera lítið verkefni sem inniheldur bæði leður og útsaum. Föstudag, laugardag og sunnudag verður hópnum skipt í tvennt þar sem annar hópurinn verður einn og hálfan dag í útsaumi meðan hinn verður í leðursaumi og svo verður skipt. Í útsaumi ætlar Helga Jóna að kenna hina ýmsu húllasauma, yfirfæra munstur á efni og hin ýmsu útsaumsspor. Það verða mismunanndi verkefni að velja um t.d snaga með útsaum, brauðservíettu eða handavinnupoka. Í leðrinu ætlar Inge Marie að kenna grunn í leðursaum en það verður hægt að velja um mismunandi verkefni t.d tösku, buddu, símahylki eða belti.

Ferðir

Orlofið bíður upp á þessar ferðir:

10.september: Dagsferð til Skagafjarðar komið við m.a á Sútaranum og leirverkstæði. Borðað á Hótel Sigló í lok dags.

30.september: Dagsferð í Mývatnssveit, borðað á Stöng í lok dags.

28.sept – 3.okt Námskeiðs- og skemmtiferð til Danmerkur. Dvalið í bænum Lögsör þar sem við eyðum dögunum við útsaum og leðursaum frá kl 9-16 föst-sun. Kennarar frá Handavinnuskólanum í Skals verða með þessi námskeið. Farið verður í gönguferðir um bæinn í þeirra boði.

Verð 170.000 innifalið er flug frá Keflavík, gisting og morgunmatur, rútuferðir í Dk námskeið og hádegisverður námskeiðsdagana. Niðurgreiðsla sjóðsins er ekki inni í þessu verði.
Takmarkaður sætafjöldi.

Þær konur sem ekki hafa farið með í ferðir á vegum orlofsnefndar sitja
fyrir.

Á slóðir Jane Austen – sæti laus

Góðan dag.

Enn eru einhver laus sæti í ferðina Á slóðir Jane Austen með ferðaskrifstofu Nonna. Hægt verður að skrá sig á meðan sæti eru til.

Verið er að vinna í ferðum sumarsins, setjum þær inn um leið og allir endar eru hnýttir.

Bergþóra
6929210
orlofey@gmail.com

Á slóðir Jane Austen

Góðan dag

Enn eru einhver sæti laus í ferðina „Á slóðir Jane Austen“ með Ferðaskrifstofu Nonna, skráningafrestur er til 1.febrúar eða á meðan sæti endast.

Ég óska húsmæðrum og fjölskyldum þeirra gleðilegra jóla og farsældar á komandi ári.

Bergþóra

Á slóðir Jane Austen

Á slóðum Jane Austen

Við erum farnar að hugsa um orlofsferðir fyrir 2016. Í samstarfi við Ferðaskrifstofu Nonna verður boðið upp á viku ferð 25.maí-1.júní til Englands á slóðir Jane Austen. Takmarkaður fjöldi er í þessa ferð.

Skráningu lokið 15.desember. Orlofssjóður mun niðurgreiða ferðina eitthvað.

Nánari upplýsingar er að finna hér

www.nonnitravel.is

Skráning á netfangið orlofey@gmail.com eða í síma 6929210 eftir kl 18:00

f.h orlofsnefndar

Bergþóra

Mývatnssveit 17.október

Orlof húsmærðra stendur fyrir  ferð í  Mývatnssveit 17.október. Farið verður frá Umferðarmiðstöðinni kl 10:00 og áætlað að koma heim að kvöldi. Farið í Baðlónið og skoðunarferð í Mývatnssveit og endað á að borða kvöldmat. Orlofssjóður greiðir ferðina en kvöldverð greiðir hver fyrir sig, borðað á hótel Reynihlíð. Skráning á netfangið orlofey@gmail.com eða 6929210 eftir kl 18:00 fyrir 14.október. Takmarkað sætaframboð.

Orlofsnefndin

Góðan dag.
Hér koma upplýsingar um Berlínarferðina.

Flug: 5/11 Akureyri – Berlín 07:50 – 11:35
8/11 Berlín – Akureyri 19:40 – 23:25
Flogið er með WOW air.
Innifalið er ein taska í farangri á mann að hámarki 20kg og ein taska í handfarangri að hámarki 5kg.
Ferðagögn verða send út í tölvupósti eigi síðar en 16.okt. 2015

Jónas Helgason verður hópnum innan handar í Berlín og ferðast með hópnum út og heim.

Skoðunarferðir sem boðið er uppá eru í samstarfi við Berlínur www.berlinur.de

Hjólreiðaferð 3-4 klst föstudag 6.nóv kl 15:00 & sunnudag 8.nóv kl 11:00
Verð: 6.500 kr á mann.

Múrtúr: Gengið verður meðfram rústum Berlínarmúrsins, tekur 3-4 klst

tímar í boði: fimmtudag 5/11 kl15:00, föstudag 6/11 kl 10:00 & sunnudag 8/11 kl 11:00
Verð á mann 4.500 kr

Skráning og greiðsla fyrir skoðunarferðir þarf að eiga sér stað í síðasta lagi 13.Október.
Takmarkaður fjöldi kemst í hverja ferð. Skráning í skoðunarferðirnar fer fram hér:
https://events.artegis.com/event/skodunarferdBerlin2015

Greiða verður með greiðskukorti við skráningu.

Ingibjörg Hjartardóttir og Ingibjörg Sigurðardóttir fara f.h orlofsnefndar

Góða ferð, njótið ferðarinnar
fh orlofsnefndar

Bergþóra

Berlín

Góðan dag. Þá líður að því að greiða þurfi ferðina til Berlínar en það gerið þið hjá ferðaskrifstofu Akureyrar fyrir 7.september eftirstöðvar eru 49.500kr. Endilega hafið samband við okkur í síma 6929210 ef ykkur vantar frekari upplýsingar.